პროექტი წარმოადგენს line following რობოტების რბოლას. იგი აერთიანებს თანამედროვე ელექტრონიკის ორ მნიშვნელოვან ასპექტს: კომპიუტერულ საინჟინრო და პროგრამულ საინჟინრო მიმართულებებს. პროექტში მონაწილეობა არის უფასო და ემსახურება ბავშვების მომავალ გონებრივ განვითარებას.
მოზარდები არიან აღფრთოვანებული რობოტებით სხვადასხვა მხატვრულ თუ ანიმაციურ ფილმებში, ჩვენ კი ვაძლევთ მათ საშუალებას რომ თვითონ ააწყონ, დააპროგრამონ და ერთმანეთს შეაჯიბრონ ისინი, ამისთვის მათი სურვილის მეტი არაფერია საჭირო. პროექტის საბოლოო მიზანია თანამედროვე ტექნოლოგიების და რობოტოტექნიკის პოპულარიზაცია მოსწავლე ახალგაზრდებში.
რობოტი სოფია
გაერო-ს განვითარების პროგრამის (UNDP-ის) ორგანიზებით, მსოფლიოში პოპულარული რობოტი სოფია საქართველოს ეწვია. რას წარმოადგენს, ვინ და რისთვის შექმნა ადამიანის მსგავსი ეს რობოტი? როგორია მისი შესაძლებლობები?
სოფია სოციალური ჰუმანოიდი რობოტია, რომელიც ჰონგკონგურმა კომპანია Hanson Robotics-მა შექმნა. სოფია 2015 წლის 19 აპრილს გაააქტიურეს, საზოგადოების წინაშე კი პირველად 2016 წლის მარტში, ტეხასის ქალაქ ოსტინში წარსდგა. რობოტს შეუძლია მიიღოს სახის 50 სხვადასხვა გამომეტყველება.
სოფიას აქტიურად აშუქებს მსოფლიო მედია, მასთან ჩაწერილია მრავალი მაღალპროფილური ინტერვიუ. მიუხედავად იმისა, რომ სოფიას ინტერვიუები შთამბეჭდავია და გამოირჩევა დახვეწილი პასუხებით, ექსპერტებს მიაჩნიათ, რომ მისი მრავალი მნიშვნელოვანი განცხადება გარკვეულწილად დადგმული, წინასწარ გაწერილია.
სიახლე რობოტი რომელიცსახლს ალაგებს
დიასახლისებისთვის ყველაზე შრომატევადი სახლის დალაგებაა: მტვრის დაწმენდა, მინებისა და სარკეების გასუფთავება, ხალიჩის მოწესრიგება. განსაკუთრებით, სააბაზანოს, ტუალეტისა და სამზარეულოს მოწესრიგებაა რთული.
თუმცა, თანამედროვე ელექტრონული დიზაინის კონკურსის გამარჯვებული პროექტის The Mab-ის წყალობით, ეს პრობლემა ადვილად მოგვარდება. კოლუმბიელი დიზაინერი ადრიან პერეზ ზაპატა საზოგადოებას ინოვაციურ მოწყობილობას სთავაზობს - რობოტი, რომელშიც პაწაწინა რობოტებია დამონტაჟებული. დიასახლისს მხოლოდ ღილაკზე ხელის დაჭერა მოუწევს და ოთახი რამდენიმე წამში პატარა რობოტებით აივსება, რომელიც ძირითად ტექნიკასთან იქნება დაკავშირებული. რამდენიმე რობოტი ჰაერში გადაადგილდება და ყველა წერტილიდან მტვერს შეისრუტავს.
No comments:
Post a Comment